Týpískt

ég og mín lukka. Þegar ég fór á mösdunni í vinnuna á fimmtudaginn þá tók einhver helvítis hálfvitinn sig til og rispaði alla bílstjórahliðina, húddið, brettið og báðar hurðirnar. Ég tók eftir þessu þegar ég labbaði út kl. 4 og keyrði heim í frekar vondu skapi. Hver getur ekki séð fallegan bíl án þess að skemma og eyðileggja ? Mér er bara spurn. Öryggisverðirnir fengu engar tilkynningar um skemmdarverk á öðrum bílum þennan daginn og ekkert sást í myndavélunum enda lagði ég á gráu svæði sem vélarnar covera ekki. Týpískt...ég legg aldrei þar en gerði það þann daginn. Gummi fór með bílinn á sprautuverkstæði hérna í sveitinni og þetta verður aldrei undir 100 þúsund kjellinum, þarf að sprauta hálfan bílinn :( Ég er frekar pissed og vona að sá hinn sami sem skemmdi bílinn minn sé heima hjá sér með ælu og niðurgang og eitthvað þess mun verra !!!

Annars skellti ég mér á MI III á fimmtudaginn með Sissu. Þórunn Anna bættist óvart í hópinn en af því að salurinn var troðinn þá sat hún ekki með okkur. Sýningin byrjaði og þá kom í ljós að það var enginn íslenskur texti á myndinni. Frekar fyndið, fara á forsýningu með engum texta. Það var allt í lagi fyrir mig og flesta held ég sem voru þarna. Myndin er alveg ágæt, erfitt að horfa á Tomma geðveika en þegar ég náði að horfa framhjá geðveilu hans í daglega lífinu þá skemmti ég mér ágætlega.

Svo fórum við hópurinn upp á Skaga í gær eftir vinnu í mat til Shyamali. Indverskt of course. Hrikalega gott, ætlum að dobbla hana til að kenna okkur hinum taktana sína. Eftir matinn kom hún með litla skál með alls konar litlum fræjum og sagði að þetta væri breath fresheners. Þetta bragðaðist frekar eins og sápa og ilmkerti og aðeins þau huguðust fengu sér í lófann. Þar á meðal undirrituð. Gott kvöld og vel heppnað.

Svo skellti Gummi sér út í nótt, flaug til London og þaðan er víst ferðinni heitið til Birmingham. Þannig að ég vaknaði með honum í nótt og kvaddi hann vel og mikið því ég fæ ekki að sjá hann aftur fyrr en á fimmtudaginn á Schipol í Amsterdam. Skellti mér í bikkið í morgun ( ekkert smá stolt af sjálfri mér ) og Orri náði í stelpurnar eftir það. Kvöldið í kvöld er sko planað, er að fara í heimsókn til ömmusystur minnar að hitta nokkrar frænkur og kjafta doldið og svo ætlum við Sigga, Sissa ( og vonandi fleiri ) að mála bæinn rauðan undir morgunn. Luvlí, enda er komið sumar...skv. hitamælinum á pallinum hjá mér ;)

Jæja, farin að versla eitthvað gúmmelaði fyrir Þorvarð svo hann hafi eitthvað að nasla í hérna í kvöld...

c",)

ÆL...

og ógeð, ji hvað það er viðbjóðslegt þegar börn æla. Er heima í dag með Kristínu því hún vaknaði í nótt og búin að æla út um allt rúmið sitt :s svo að sængin hennar og koddinn eru í þvottavélinni og ég er bara að vona að lyktin náist úr...

Annars lítið títt. Er að fara til Amsterdam eftir 8 daga, gisti hjá Sissu eftir viku áður en við skellum okkur í morgunflug til Schipol að hitta Bjarna og Gumma. Í augnablikinu er 21 gráðu hiti þar og heiðskírt, ekki leiðinlegt...

Komin á "nýjan" frúarbíl, Gummi fékk nýja bílinn okkar í gær og Sigga keypti græna gittið. Nýji bíllinn er bara fab, hrikalega flottur og geðveikur í akstri. Enda keyrðum við hann rúma 100 km í gær, sýna tengdó og Sissu og Bjarna. Stoltir eigendur þarna á ferð ;) Svo að núna krúsa ég á mösdunni og finnst það ekkert slæm skipti ;) algjör gella sko...

Jæja, farin að sinna snúllunni minni. Gefa henni ristað brauð og eitthvað stemmandi. Ætti líka að fá mér eitthvað í gogginn því að maginn á mér er búinn að veltast um nokkrum sinnum í morgun :s má nú ekki við því að verða veik núna...

c",)

1. maí

og allt lokað. Það er ekkert opið hérna í sveitinni, engar búðir og engar sjoppur. Ég hefði þurft að vita þetta fyrir því að hér er ekker til nema majonesbombur og brauðrúllur til að henda í ofninn. Við endum sem sagt á því að borða fermingarmat annan daginn í röð. Allt þakka ég því að búðarfólkið verður að fá að berjast fyrir bættum kjörum...yeah right ;)
Gummi fann reyndar eina ræningjabúllu opna þar sem staffið fær ekkert bættari kjör með því að þramma niður laugaveginn eða eitthvað því um líkt. 10-11...standa fyrir sínu. Við getum sem sagt keypt gamalt lambakjöt á grillið þar fyrir 50.197 krónur...kostakjör !!! nammi, namm. Held að ég fái mér bara fermingarmat sem kostaði mig minna, bara blóð, svita og tár ;)


c",)

JEI...

fyrsta fermingin að baki. Dagurinn hefur bara verið yndislegur og ég er bara búin á því. Eðlilegt miðað við hvað hefur gengið á undanfarið. Þetta gekk allt glimrandi vel, Þorvarður stóð sig eins og hetja í kirkjunni í morgun, reyndar hélt ég að það væri að líða yfir hann á tímabili í kirkjunni, hann sat og roðnaði og hvítnaði í framan á víxl en þetta hafðist allt saman. Hann tók við oblátunni og messuvíninu eins og hann hefði gert það mörgum sinnum áður, reyndar kom soldið skrýtinn svipur á hann þegar hann var búinn að kyngja sopanum. Kristín var soldið leið á athöfninni og stundi oft og mörgum sinnum að hún væri svoooooooooo svöng og svo þegar fluga birtist í glugganum varð hún svolítið óróleg og færði sig frá glugganum. Henni er ekkert sérlega vel við flugur af einhverjum ástæðum. Svo þegar athöfninni lauk og Þorvarður fermdur voru nokkrar myndir teknar af honum og svo brunaði pabbi hans með hann í grasagarðinn þar sem fleiri myndir voru teknar af honum. Hann brosti ekkert fyrr en hann var spurður hvað hann héldi að hann fengi í gjafir og þá brosti Þorvarður sínu blíðasta. Svo kom hann að lokum í salinn og hitti okkur þegar við vorum búin að koma kræsingunum fyrir. Fólk tíndist inn eitt af öðru og við týndum tölunni, 76 kvittuðu í gestabókina fyrir utan okkur í Hjallahlíðinni og eitthvað af föðurfólkinu. Svo við höfum verið eitthvað um 90 í heildina.
Það reyndist þrusuvel að hafa sjónvarp í einu horninu. Þar héngu allir krakkarnir og horfðu á imbann og laumuðust fram af og til að ná sér í nammi og rice krispies kökur. Veitingarnar létu á sjá og við þurftum ekki að bera mikið heim. Tæpa eina brauðtertu og nokkrar rúllur. Það var meira eftir af kökunum ( sem staðfestir að það er meira borðað af brauðmeti í svona veislum ) sem Guðni og co tóku með sér heim.
Svo brunuðum við hingað heim og tókum upp pakkana. Eða réttara sagt umslögin því Þorvarður fékk í heildina 3 pakka og þó nokkuð fleiri umslög. Í heildina fékk hann rúman 150.000 kjell, Moby dick, skrifborðsstól og úr. Hann á eftir að fá frá pabba sínum en það eru miklar líkur á að það verði utanlandsferð í sumar. Hann getur þá notað eitthvað smáræði af peningunum í gjaldeyri en restin fer inn á læsta bók fram til 18 ára aldurs.
Þorvarður er bara ánægður með daginn, hann var svo myndarlegur í teinóttu jakkafötunum sínum að margir höfðu orð á því hvað hann væri flottur. Ég er sjálf mjög fegin að þessu er lokið, ekkert nema góðar minningar sitja eftir þennan dag. Svo nú er bara ár í næstu fermingu. Það er nú gott að hafa fengið smá reynslu þetta árið, við erum eiginlega sammála um að kaupa veitingar í sal á næsta ári því að kostnaðurinn virðist vera mjög svipaður. Fyrir utan vinnuna sem ég hef lagt í allt stússið. En því var vel varið í góðan dag :)

Og já, btw...Til hamingju með afmælið í gær Fanney mín. Mikið langaði mig í þó nokkra kokteila með ykkur í gær en það bíður betri tíma ;) mojito-grillpartý í sumar, ekki spurning.

Jæja, er farin að kúra mér undir teppi undir einhverju leiðinlegu í imbanum.

c",)