Dream team deCode

Haldiði ekki að ég sé komin í draumalið deCode eftir afrek gærkvöldsins. Og það sem meira er, Sigga mín líka. Ég varð sem sagt í öðru sæti í langstökki og Sigga í þriðja sæti í 60 metra spretti. Þokkalega góðar ;) Við erum sem sagt að fara að keppa 1. apríl á fyrirtækjamóti ÍSÍ í frjálsum íþróttum ásamt grilljón liðum úr öðrum fyrirtækjum og bæjarfélögum. Bara vera með, er það ekki annars ? Annars braust fram keppnisandinn í gær eins og ég bjóst svo sem við og þetta var bara gaman þegar á hólminn var komið.
Kristín er búin að ná sér, hóstar aðeins ennþá en það er annað mál með mig. Ég er hætt að telja hvað ég er búin að hnerra oft í dag, er alveg að kafna úr kvefi og með strengi eftir gærkvöldið. Þess vegna get ég sagt með mikilli innlifun ;"Guði sé lof að það er kominn föstudagur ". Eða TGIF á okkar ylhýru ensku.
Plan um helgina ? Kannski að kíkja í bústað við Laugarvatn, bíllinn okkar er enn í viðgerð og Gummi búinn að gefast upp á fáknum sem hann er búinn að vera með á meðan svo hann ætlar að skila honum á eftir. Skrýtið ? NOT...hrikaleg drusla sem kemst ekkert áfram. Kannski erum við bara svona góðu vön...

c",)

FLOTTASTA

evróvisjón lag Íslands, komið myndband á okkar ylhýru ensku ;) hún á þokkalega eftir að fá tremma mörg stig...

http://b2.is/?sida=tengill&id=155751

verðið að vera með quick time player til að hlusta og sjá... vel þess virði...

c",)

3. dagurinn heima...

með Kristínu. Hún vaknaði hitalaus í morgun ( það hefur ekki gerst síðan um helgina ) svo kannski er þetta gengið yfir. En hún er samt með hása viskírödd, ennþá meiri dúlla fyrir vikið.

Svo við erum bara að finna okkur eitthvað að gera, hún er í Barbie leik í augnablikinu og ég að þvo þvotta, alltaf nóg að gera þar. Og svo er ég auðvitað að undirbúa mig fyrir æfingu í kvöld. Er að fara að keppa á morgun í langstökki og kúluvarpi og finnst skynsamlegra að æfa aðeins hand og fótatökin fyrir átökin á morgun. Þetta er nú meira til gamans gert en spurning hvort að keppnisskapið birtist í öllu sínu veldi þegar á hólminn verður komið.

Annars bara orðið stutt í helgina, á að vera pabbahelgi svo vonandi verður henni eytt í afslöppun og kúr. Tengdó eru að fara í sumarbústað við Laugarvatn svo við kíkjum kannski til þeirra. Svo tel ég bara dagana þangað til ég kemst til útlanda.... í dag eru bara 50 dagar í flugtak ( soldið mikið en verður nú fljótt að líða )


c",)

Jæja..

hér sit ég heima á mánudegi með Kristínu raddlausa og enn sætari fyrir vikið. Hún er með hitaslen og slappast niður svona af og til yfir daginn og þá er sko bara að kúra með henni til að bæta líðanina.
Ljúf helgi að baki, var með kaffiboð á laugardaginn fyrir ættingja í tilefni afmælisins. Og um kvöldið bauð ég nokkrum vinum í lingó partý sem var hrikalega gaman. Ragnheiður var fyrst til að mæta, svo komu Sissa og Bjarni og svo Sigga og fruntlið með henni. Og síðast en ekki síst mætti Gilla stepsister og Stefán. Það var mikið drukkið, hlegið og sungið. Við þau hörðustu entumst til 3 ( ég og Ragnheiður ) en aðrir skemur. Gummi varð allt í einu voða þreyttur, þessi elska og lagðist bara upp í rúm og aðrir fóru heim þegar nóg var komið. Í heildina snilldarkvöld.

Ég fékk nú nokkra pakka ;
gemsa og blómvönd frá Gumma
g strengi frá Ragnheiði
fótsnyrtingu og hvítvín frá Sissu og Bjarna
sængurver frá tengdó
líkjörsglös frá Önnu Jónu
dekurkörfu frá Þórunni Önnu
púður og fleira frá Distu og pabba
Queen disk frá Gillu frænku og co.

Bara ekkert smáræði, mjög lukkuleg með þetta allt saman og get sagt að allt er komið í gagnið, nema hvítvínið ( geymi það til betri tíma )

Svo kláruðum við í gær að panta okkur ferð til Amsterdam í maí. Við ætlum að skella okkur með Sissu og Bjarna og eiga góða helgi saman í vonandi góðu veðri. Gummi og Bjarni verða hvort eð er úti á þessum tíma svo þeir hitta bara mig og Sissu á Schipol þegar þar að kemur. Verður yndislegt að fá smá pásu frá þessu daglega. Svo er þetta líka stuttu eftir að frumburðurinn fermist svo ég á þetta örugglega inni fyrir allt puðið í kringum það allt saman...ekki satt ?
Ég hélt það líka...hehehehe

Jæja, ætla að hleypa Kristínu á www.barbie.com


c",)