Í dag...

eru 22 dagar þangað til ég fer til Amsterdam og bara 11 dagar í að ég láti ferma frumburðinn. Ji, hvað þetta líður hratt. Ég ætti kannski að fara í Bónus í dag og redda mér smá birgðum og henda einhverju í frystikistuna, tilbúnu auðvitað ;) Við ætlum svo að reyna að fara í bæinn á eftir og kaupa rúm handa blessuðum drengnum og þá verð ég væntanlega upptekin í kvöld að koma því fyrir. Æ, ég fer þá bara í Bónus á föstudaginn.

Annars bara luvlí að vera í fríi, nú er ég á 7. degi frís og fer ekki að vinna fyrr en á mánudaginn. Í millitíðinni fer ég í klippingu og brúnkumeðferð ( je beibí...) og á árshátíð og í eina fermingu. Það er nú ekki hægt að segja að ég sitji auðum höndum í fríinu. Tuttlast alveg heilan helling og meira en það ef út í það er farið ;) Svo að þetta líður hraðar en það átti að gera en samt búið að vera alveg yndislegt.

Ég tók mig til um daginn og horfði á einhverja 6 þætti af sex and the city, kom mér aðeins framúr því sem er verið að sýna á skjá einum þessa dagana. Hvað gerir maður svo þegar skjárinn er búinn að sýna 6. og síðustu seríuna ? Byrjar aftur, því það er hægt að horfa á þessar elskur aftur og aftur og aftur. Ég verð örugglega á Hrafnistu eftir nokkra áratugi að horfa á þær ennþá og hlæ jafn mikið að þeim. Reyndar læðast tárin líka inn á milli, best að vera tilbúin með nokkur handklæði áður en kemur að síðasta þættinum til dæmis. Þegar hr. Rumur....segi ekki meir...

Jæja, farin að frítuttlast ! Hafið það gott, gæskurnar og Gleðilegt sumar ( brrrrrrrrr ) á morgun ;)

c",)

Gleðilega...

páska...

Hér sit ég með labbann í kjöltunni og ligg á meltunni, eftir vel heppnaða máltíð þar sem við borðuðum öll yfir okkur. Páskaeggið sem við hjónakornin eigum uppi í skáp fær væntanlega að vera þar í friði í kvöld, ekki bætandi á vömbina. Alveg spurning að mæta í ræktina í fyrramálið, svona samviskunnar vegna.

Annars er páskafríið hingað til búið að vera ljúft, ég og Sigga skruppum til Kollu á Selfoss á föstudaginn síðasta og ætluðum að skreppa á hestbak. En veðrið var bara viðbjóðslegt svo við sátum bara og spjölluðum og hlógum þess meira. Sérstaklega að skírn minni. Skrýtið, ekki satt ? hehehehe
Svo sentumst við um bæinn í gær og reyndum að finna hamborgarhrygg frá Hagkaupum. Og það tókst í 3ju búðinni sem við fórum í. Guð, nú er Gummi að teygja sig í ísinn, ótrúlegt að hann ætli að bæta því á sig. Jæja, verði honum að góðu. Ég held bara áfram að sötra rauðvínið sem ég er með í glasinu.

Svo er það bara imbinn í kveld sem ræður för. 4 brúðkaup og jarðarför byrjuð ( yndisleg ), Bridget Jones á eftir og svo lokaþátturinn af Rome. Gott plan, sötra rauðvín og horfa á kellingamyndir ( að mestu ).

Þorvarður er að horfa á eitthvað í imbanum inni hjá sér og hlær eins og vitleysingur. Hann borðaði svo mikið áðan að ég hélt að hann myndi vera sofnaður núna...ótrúlegt úthald hjá honum.

Hafið það gott í kvöld, gæskurnar allar saman, farin að einbeita mér að brúðkaupi nr.2 ;)

c",)