God...

hún dóttir mín hún Kristín Fríða. Mikið held ég að það sé mikill sannleikur í setningunni "blondes do have more fun ".
Hún var að spyrja Gumma í gær áður en hann fór til Rotterdam hvað hann væri að fara að gera ? Hann sagði henni það og þá fór hún að spá í hvar hann myndi vera spurði hann hvort hann ætlaði að tjalda ? Svo þegar hann neitaði því og sagði henni að hann ætlaði að vera á hóteli þá hváði hún og spurði hvað það væri eiginlega ? Svo stór hluti af kvöldinu fór í útskýringar á því hvað hótel væri !!!
Svo í dag á leiðinni heim þá barst talið að dauðanum, oft sem endra nær. Hún hefur mikið verið að spá í þetta undanfarið og vill alls ekki deyja á undan mér og ég á helst ekki að deyja á undan henni. Henni finnst tilvalið að við deyjum öll í einu. Nema hvað, þá fór hún að spá í hver ætti að bera allar kisturnar ? Svo að við megum víst fara eitt í einu eftir allt saman, svona þegar okkar tími kemur. Í dag fór hún svo að spyrja mig um mömmu. Hún spurði mig hvað hún héti og ég sagði henni að hún hafði heitið Þórunn Sigríður. Seríos ? spurði hún þá tilbaka og fannst nafnið Þórunn Seríos ansi flott. Þvílíkar pælingar hjá henni og stundum misskilningur svona inn á milli.
Svo er hún sko búin að panta það að sofa hjá mér á meðan Gummi er úti. Ætlar sko að passa plássið hans á meðan hann er í burtu. Sem er sko fínt að mínu mati, notalegt að hafa hana við hliðina á mér og horfa á sætabolluna mína sofa...
Annars bara stutt í helgina, verð kannski bara barnlaus ( kemur í ljós á morgun ) og þá ætla ég sko að slappa af, sofa vel og mikið og ná í Gumma minn á laugardaginn út á flugvöll. Yndislegt ;)

c",)

Bestu...

fréttir sem ég hef fengið lengi.
Litla fjölskyldan í Gautaborg verður sameinuð í næstu viku þegar Andrew fær loksins að snúa aftur heim. Þeir sem þekkja til vita að það er sko kominn tími til fyrir löngu síðan. Svo að nú er sko hægt að gleðjast yfir einhverju.

Annars er slappleiki helgarinnar ennþá að leika mig grátt, ég finn fyrir nettum drop/dead einkennum allan daginn :s æðislegt eða hittó. Þetta er líka með eindæmum þægilegt...NOT

Og svo já eitt í viðbót, Nanna eignaðist lítinn strák á sunnudaginn síðasta. Ég hef heyrt að hann sé voðalega fallegur drengurinn enda hefur hann nú ekki langt að sækja það. Ljóshærður og yndislegur bolti. Til lukku elskurnar...

Jæja, farin á morgunfundinn...

c",)

Jæja...

Þá er ógeðsleg helgi alveg að verða búin og ég vona að ég komi ekki til með að upplifa slíka í nánustu framtíð.
Þetta byrjaði í raun aðfaranótt fimmtudags þegar Kristín vakti okkur með því að æla yfir allt rúmið sitt. Eftir hálftíma þrif á henni kom hún upp í rúm til okkar að kúra og hljóp fram á hálftíma fresti til að kúgast. Þannig að þá nótt svaf ég ekki dúr. Hún var orðin þokkaleg á fimmtudag en var með hita svo hún var bara heima á föstudeginum líka. Svo skellti ég mér til Siggu á föstudagskvöld þar sem við fengum okkur smá rauðvín og g & t. Um miðnætti skelltum við okkur í bæinn en um leið og við fórum inn á Sirkus þá fann ég að drop-dead væri handan við hornið svo ég fór bara út aftur, hringdi í Gumma og bað hann um að ná í mig. Svo í bílnum kastaði ég 3ar upp og komst að því að Þorvarður og Þórunn hefðu verið að æla allt kvöldið. Ég komst heim að lokum og hélt bara áfram að æla og svo um nóttina byrjaði Gummi líka. Svo að við vorum orðin 4 að keppast um að komast á klósettið til að skila af okkur næringu föstudagsins. Ógeðslegt. Svo í gær gat ég ekki gengið, mér var óglatt og með hausverk og hita. Leið bara alveg hrikalega. Ég gat ekkert borðað og það eina sem fór inn um varir mínar var grænn frostpinni og blár powerade. Æðislegt eða hittó.
Svo vaknaði ég í morgun eftir að hafa sofið í 11 klst og er skárri, ennþá soldið biluð í hausnum en lystin er svona að koma tilbaka. Sem betur fer...buxurnar flaksandi utan á mér :s voðalega lekkert.
Annars er bara lítið að frétta, Alli strípaði mig soldið á fimmtudaginn svo ég er orðin algjör skutla. Ég er að fara í myndatöku í þessari viku út af hnjánum á mér. Hnykkjarinn vill komast að því hvernig lærleggurinn er að lenda á hnéliðamótunum því mér er alltaf illt. Vakna við sársauka á næturnar. Kannski fæ ég smá upphækkun, vinstri fóturinn á mér er víst 1 cm styttri en sá hægri. Stórgölluð sem ég er...

Svo í gær var kosið hvaða lag ætti að fara út til Aþenu í vor á Evróvisjón. Sylvía rústaði þessu..ekkert smá stolt af henni. Atriðið verður bara að vera lítið breytt úti, ideal að hún strippi og sé með Homma og Namma allsbera á sviðinu með sér. Algjört show.
http://media.putfile.com/Silvia-nott---til-hamingju-island

Jæja, farin undir teppi að morkna aðeins meira þessa helgina...


c",)