GLEÐILEGT NÝTT ÁR...

og takk fyrir öll þau gömlu og góðu.
Nú er síðasti frídagurinn minn runninn upp, búið að vera yndislegt jólafrí. Ég er búin að njóta þess í ræmur að vera bara í nýju náttfötunum mínum ( jóli hlustaði á mig ;), lesa og bara tjilla almennt. Hef nú mætt í ræktina inn á milli, voðalega dugleg. Það var uppskeruhátíð í síðustu viku og ég missti flest kíló, 10.7 alls. Ansi lukkuleg með það enda komin í kjörþyngdina mína, sem var nú markmiðið. Nú er bara að halda áfram...
Til hamingju með afmælið í gær, elsku Gilla mín og takk fyrir síðast. Hún bauð okkur nokkrum vinkonunum út að borða í gær á Galileó, algjörlega meiriháttar. Við sátum þar til hálfeitt þegar staffið eiginlega rak okkur út, alveg komið með nóg af okkur. Ég, Gilla og Ylfa fórum aðeins á röltið með Stefáni og Hannesi og enduðum á Apótekinu. Feikna fjör, Buffið var að spila og þeir eru náttúrulega algjör snilld. Í næsta húsi ( Borginni ) var Sálin með ball og Hannes gerði sér lítið fyrir og reddaði okkur miðum inn. Gilla var reyndar komin með nóg, búin að drekka nokkra cosmo ( mjög góðir á Apótekinu ) og nokkra mojito fyrir utan fullnægingarnar á barnum. Svo að Stefán fór bara með hana heim á hótelið meðan ég, Ylfa, Hannes og fleiri skelltum okkur á Sálina með hinum snobburunum. Geðveikt, eins og alltaf. Þeir standa sko fyrir sínu. Soldið fyndið að sjá jet tímið á essinu... vægast sagt. Hitti nokkra góða vini síðan í den, m.a. Adda reddara. Hef ekki séð kappann í örugglega 3 ár. Alltaf gaman að hitta hann og vera kölluð sykurpúði. Enda er ég soddan gella júnó ;)
Svo þegar Sálin lauk sér af þá ákvað ég að þetta væri orðið gott og smessaði á elskuna mína sem var ekki sofnaður. Svo hann sótti mig og við komum við á lélegt og keyptum gúmmelaði til að reyna að koma í veg fyrir þynnku dauðans. Og það virkaði, er eiturhress í dag og er bara að spá í hvort ég ætli í ræktina hálfsex, hálfsjö eða bara í 2faldan tíma. Kemur í ljós á eftir...
Jæja, er farin undir teppi að lesa aðeins....

c",)